३.१.२ घरपरिवारको विवरण

बैजनाथ गाउँपालिका तराई क्षेत्रमा रहेकाले यहाँको हावापानी गर्मी महिनामा धेरै गर्मी र जाडो महिनामा अति नै चिसो हुने भएपनि यहाँको उर्वर माटो र समथर भूमिका कारण बसोबासका लागि उपयुक्त मानिएको छ । अस्पताल, उद्योग, टेलिफोन, विद्यालयको पहुँचका साथै यातायातको सुविधा लगायतका सेवा, सुविधा तथा अवसरको उपलब्धताका कारण गाउँपालिका निकट रहेका जिल्लाहरु र पहाडी जिल्लाहरुबाट समेत बैजनाथमा बसाइँसराई गरी आउने गरेको पाइन्छ । सोही अनुरुप गाउँपालिकाको बस्ती क्षेत्र, बजार क्षेत्रमा जनसंख्याको चाप बढ्ने क्रम देखिन्छ । यसका साथै विभिन्न स्थानहरूमा गाउँपालिकाहरूले आफ्नो आन्तरिक यातायात मार्गहरू बनाई सार्वजनिक क्षेत्रहरूमा बजार व्यवस्थापन गर्ने कार्यका साथै व्यापारिक केन्द्रको रुपमा क्रमिक विकास भइरहेको छ ।

यहाँको आवास क्षेत्रहरूको व्यवस्थित तवरले विकास गर्न प्रत्येक बस्तीमा आवत जावत गर्न मोटर बाटो, खुल्ला क्षेत्रका प्रावधान, चारपाटे आकार मिलेका घडेरीहरू लगायत भौतिक तथा पूर्वाधारको निर्माण सहितको व्यवस्थित बस्तीको विकास गर्न जग्गा एकीकरण वा सेवा सुविधा जस्ता कार्यक्रमहरू संचालन गर्नुपर्दछ । यसरी जग्गा विकास कार्यक्रम संचालन गर्दा शहरी विस्तार क्षेत्र प्रस्तावना गरिएका क्षेत्रहरूलाई टेवा प्रुयाउने हिसाबले प्राथमिकता दिनु पर्दछ । हाल यहाँ रहेका मुख्य बस्तीहरुको विवरण तलको तालिकामा समावेश गरिएको छ ।

गाउँपालिकाको वडागत जनसंख्याको तुलनात्मक विश्लेषण गर्दा सबैभन्दा धेरै जनसंख्या वडा नं ५ मा रहेको छ जसमा जम्मा जनसंख्या १०,९४५ रहेकोमा (पुरुष ५,०६९ जना र महिला ५,८६७ जना) रहेका छन् । यस वडाको औषत परिवार आकार ४.४ र घरधुरी संख्या २,४६९ रहेको छ । त्यस्तै सबैभन्दा थोरै जनसंख्या वडा नं.७ मा रहेको छ जसको जनसंख्या ३,२०८ (पुरुष १,५६३ जना र महिला १,६४५ जना) रहेका छन् भने घरधुरी संख्या ७४५ र औषत परिवार संख्या ४.३ रहेको छ । सबैभन्दा कम जनघनत्व वडा नं ८ मा रहेको छ जसको जनघनत्व ४३१।३१ व्यक्ति प्रति वर्ग कि.िम. रहेको छ भने सबैभन्दा बढी जनघनत्व वडा नं.६ १०४०.०२ रहेको छ । जसको विस्तृत विवरण माथि तालिकामा उल्लेख गरिएको छ भने तालिकालाई तल स्तम्भ चित्रमा प्रस्तुत गरिएकाे छ ।