३.११ बसाइँसराइर् सम्बन्धी विवरण

बैजनाथ गाउँपालिकाको कुल जनसंख्या ६९,४७२ मध्ये ६८,३१५ जना जनसंख्याको नेपालमा नै जन्म भएको पाइयो । यही गाउँपालिकामा जन्म लिनेको संख्या ४०,७६९ जना, बाँके जिल्लाकै अर्को पालिकामा जन्म लिनेको संख्या २,०४२ रहेका छन् भने अर्को जिल्लामा जन्म लिनेको संख्या २५,५०४ र विदेशमा जन्मेकाहरूको हाल बसोबास यसै पालिकामा रहेको संख्या १,१२४ जना र जन्म स्थान नखुलेको ३३ जना रहेको छ । गाउँपालिकाको आर्थिक, भौतिक, सामाजिक क्षेत्रहरूको विकास हुँदा अन्य स्थानबाट बसाइँ सरेर आउने जनसंख्यामा वृद्धि हुने देखिन्छ । जसको विस्तृत विवरण तालिकामा उल्लेख गरिएको छ ।

गाउँपालिकामा पछिल्लो १२ महिनामा यस अघि बसोबास गरेको स्थानको आधारमा जम्मा जनसंख्या ६९,४७२ मध्ये सबैभन्दा धेरै ४०,४६७ अर्थात ५८.२५ प्रतिशत जनसंख्या यही पालिकामा, ३,१३७ अर्थात ४.५२ प्रतिशत यही जिल्ला अन्तर्गतका अन्य स्थानीय तहहरुबाट आएर बसोबास गरिरहेका छन् । यसैगरी यहाँ अन्यत्र जिल्लाबाट बसाइँसराइर् गरी आउनेको संख्या २४,४३७ अर्थात ३५.१८ प्रतिशत रहेको छ भने विदेशबाट आउनेको संख्या १,४३१ तथा २.०६ प्रतिशत रहेको छ ।