६.२ जलश्रोत तथा जलाधार क्षेत्र

यस गाउँपालिकामा रहेका मान खोला लगायतका खोला नालाहरु यहाँका जलाधारका मुख्य स्रोतको रुपमा रहेका छन् । यो गाउँपालिका रहेका मान खोला, करेली खोला, पेडारी खोला, बुढी खोला, दुन्द्रा खोला, बुकी खोला, जेठी नाला लगायतका खोलाहरूको जलाधारका आधार क्षेत्र हुन यसका साथै पालिकामा नाग पोखरी, गिद्धेनी ताल, सिम्रहवा ताल, गैरी पोखरी, सिंहभवानी पोखरी, सिमगैरा पोखरी, सुतैया ताल लगायतका पानीका मूख्य स्रोतका रूपमा रहेका छन् ।

गाउँपालिकाका विभिन्न भौगोलिक क्षेत्र तथा वडाहरूमा फैलिएर रहेका खोलानालाहरूले प्रशस्त जलभण्डार गर्नुका साथै विभिन्न किसिमका जलचरहरू र पन्छीहरूलाई सुरक्षित बासस्थानको रुपमा आश्रय दिइरहेको पाइन्छ । साथै यस्ता खोलाहरूबाट पशुहरूले पानी पिउने र किसानहरूले समेत बेलाबखत आंशिक रुपमा सिँचाईको लागि पानीको प्रयोग गरेको देखिन्छ । मानव बस्तीको विकास र बसाइँसराईको चापका साथै अनुत्पादक पशुहरूको अत्याधिक चरीचराउ र उपयोगले प्राकृतिक नदी/खोलामा भू–क्षय भई पुरिने क्रम जारी छ ।